ليلى الجزء التانى ٢

سلمي سقفت علي اديها : الله احسن بابا في الدنيا
ليلي بصت لمصطفي بعشــ,,ـق وهي نايمه علي الكرسي : تعرف ان بحبك اووي
مصطفي بثقه : عارف
ليلي بغيظ : تصدق بالله انا غلطانه بدلع في مييين دكتور بيتعامل مع البقر وبسس
” مصطفي ضحك بصوته كله وشدها ضمها لصـ,,ـدره واديه محاوطه كتفها ”
……………………….
” سليم قاعد في العربيه مستني كنز تنزل فضل مستني كتير اووي لدرجة انه بدء بتنرفز نزل من العربيه وبص علي الباب كانت جايا بتقفل الباب وهي بتجري ”
راحت عليه بسرعه وهي بتنهج :

والله العظيم كنت بلبس وانا علي السلم اسفهه علي التأخير
سليم بصلها بحب : تأخير اييه اسكتي ايه الحلاوه والرقه دي يا كنوز
كنز ببتسامه : انا جنبك ولا حاجه يعم ايه الشياكه دي كلهاا ” وغمزتله ”
سليم : لاء بما ان الموضوع في غمز اركبي العربيه علشان يومنااا طويل
كنز ركبت جنبه وبصتله : سليم انا عاوزه درسنج للبس مش عايزه دولاب
سليم بصلها : وماله الدولاب ما هو ساتر هدومنا بدل ما اللي رايح واللي جاي يتفرج عليها
كنز :

يا سليم الدرسنج هيكون في اوضة النوم ومين اللي هيدخل اوضة النوم ولا انت عايز تزعل كنوز حبيبتك ” قالتها بدلع وهي بتقرب منه ”
سليم وشه احمر ورجع بضهره لورا : ماالك يابت في اييه النهااارده هنروح وهنشوف والحلو هنجيبه ارجعي مكانك بقا ” ودور العربيه ومشي ”
كنز ضحكت عليه وعلي وشه الاحمر : ينهار ابيض وشك احمر كدا ليييه انت بتتكسف مني يا سليم
سليم بحرج وضحك :

مش كسوف ولا حاجه بس يعني انا راجل عازب بقالي كتير فجأه الاقي بنت حلوه زيك كدا بتعاكس فيا مش حلو لصالحها
كنز اتعدلت في الكرسي بتاعها ببتسامه : خلاص هتلم وهسكت بس شغل لينا اي حاجه كدا
سليم مسك ايدها وقربها لشفايفه وباسها : اشغلك اغنية ايه
كنز ابتسمت ليه : علي ذوقك
” سليم شغل اغنيه مُغرم وغني معاها لكنز وهي فرحانه اووي وصورت اللحظه دي بينهم وسجلتها ب رايحين نختار العفش ”
…………………………

” في المزرعه عند جمال ، جمال واقف بيعلف البقر بكل نشاط دخل وائل ودا المزارع ”
وائل : اسطي جمال في واحد اسمه سمير برا وبيقول انه عاوزك في مصلحه متتأخرش
جمال بستغراب : سمير الحداد ودا عاوز مني ايه طيب يا وائل جاي وراك اهو ” وقلع هدوم المزرعه وغير هدومه وطلع وكان فعلا سمير مستنيه ”
سمير وقف لما شافه ببتسامه ماكره : ازيك يا ابو الصحاب عامل ايه يا جيمي وحشني يا جيمي والله فينك يا راجل وفين ايامك
جمال بصله وقعد علي مكتبه :

قصر يا سمير عايز ايه انا عارف الدخلات بتاعتك دي كلهااا ف انجز ولخص في كلامك
سمير : ايه يعم الدخله دي هكون عايز ايه منك يعني ما انت عارف ان لسه طالع من السجــ,,ـــــن واول ما طلعت سألت عنك والكل قال ساب البرشام ومبقاش بتاع الكلام دا استغربت اووي اصل ازاي المعلم جمال يسيبه يعني ” وطلع من جيبه كيش وفيه حاجه بيضه شبهه الدقيق وقال بخــ,,ـــــبث ” بس انا عارف انك لو اخدتلك شده هتفوق
جمال قام وقف بكل هدوء ومسك الكيس من ايده وفضاه قدام سمير في قلب الزباله وراح قعد مكانه تاني :

بص بقا يا سموره علشان مبقتش برغي كتير عقبال عندك ان شاء الله باب المزرعه نفسه مش عايز اشوفك معدي من قدامه والا وربي لتكون من سكان المقابــ,,ـــــبر بعديها بساعه يلا غوور
سمير قام وقف بغضــ,,ـب جواه رهيب بكن اتكلم بهدوء :

عارف الشويه اللي رميتهم دول عملين كام يا اسطي جمال ” وابتسم ” بس عادي مش خساره فيك ومصيرك تجيلي وتطلبها مني سلاام يا شيخناا ” وطلع علي برا ”
” جمال جواه غضــ,,ـب وحزن انه كان في يوم من الايام زي سمير كدا مكنش بيهمه ولا امه ولا اخواته وكان بيســ,,ـرق عادي وكل حاجه كانت بنسباله عادي زعل اووي لدرجة ان عينه دمعت ”
جمال سمع اذان الظهر ابتسم :

استغفر الله العظيم ” وشمو اكمامه وقام اتوضي وفرش سيجادة الصلاه وبدء يصلي ودموعه بتنزل علي خده من الندم لحد ما خلص صلاه رفع ايده لربنا وفضل يدعي انه يسامحه هو مفيش صلاة مش بيدعي فيها ان ربنا يغفر ذنوبه ويسامحه ودعي ربنا يبارك في حياته ويبعد عنه ولاد الحرام اللي زي سمير وغيره ومسح وشه وقام رجع شغله من تاني ”
” سالم راح المرزعه وفضل يدور عليه لحد ما لاقاه واقف قدام الارض وفي ايده كوباية قهوه راح وحط ايده علي كتفه ”
سالم بتنهيده : سرحان في ايه يابن قلبي ؟

جمال شرب شويه من القهوه : ولا اي حاجه يباا كله تمام
سالم بص قدامه : تعرف يا جمال يبني انا اتمنيت ان اقف معاك الوقفه دي في يوم من الايام اتمنيت ان لما مشكله تحصل اقول نادو جمال اتمنيت تكون سند لياا زي ما انا فضلت سند لأبويا لأخر لحظه بس كنت بشوفك بمنظرك وانت بتتعاطي الزفت دا كنت بتكسر بتقهر ف ان اشوفك راجل ومسنود عليك انا كدا اخدت نصيبي من الدنيا
جمال :

والله يباا انا مكسوف من نفسي كنت موصل نفسي لمرحله ان كان اللي يقابلني يقولي يا شمام وكنت بتلاشي الكلمه عادي انا تعبت اووي يباا علشان اوصل للي انا فيه دا تعبت ومازلت بتعب ورغم ان في حالي اووي بس محدش سايبني في حالي
سالم : ربك كبير وقادر يبعد عنك ولاد الحرام ولما الشيطان يوسوس في دماغك فكر في مراتك واللي في بطنها وفكر في جمال القديم وفكر في جمال الجديد مش هقولك اكتر من كدا
جمال باس دماغ ابوه : متقلقش عليا يباا ابنك راجل والله العظيم
سالم ببتسامه :

واثق فيك يا جيمي والله واثق
……………………………..
” في منزل غالي الجبراني ”
” غالي قاعد ونوال وبسمله وزينب وفــ,,ـاطمه واميمه وانصاف وناهد كلهم قاعدين بيشربو شاي ”
زينب : هو يعني ايه الحب دا يبنات يعني بتحسو بإيه لما تحبو ؟
بسمله بصتلها ببتسامه :

الحب يعني تشوفي شخص تحبيه ويحبك تتمني تعيشي معاه وتكوني بيته وحياته كلها تحبي الحياه وتتمسكي بيها علشانه يوحشك لما يغيب تكوني نفسك تفضلي تتكلمي معاه وشيفاه قدامك طول الوقت غيابه يفرق معاكي الحب واقع غير الواقع اللي انتي بتفكري فيه يا زينب بس واقع جميل اووي
غالي ببتسامه : الحب الحقيقي لما قال رسولنا الكريم لاء تؤذوني في عائشه لو نسمع الحب ايام الرسول هنحب الحب اكتر
زينب : يعني انت بتحب بطوط علي كدا ؟
غالي بص لفاطمه ببتسامه :

ولا يوم حبها في قلبي ينقص دي معايا من نقطة الصفر دي الغاليه علي قلبي دي امي قبل ما تكون مراتي شريكة قلبي وحياتي
فاطمه بحب : ربنا يطولنا في عمرك ياحج ويديك الصحه والعافيه
نوال : لاء انا بقول نسيب القعده ليهم ونقوم بعد الكلمتين الحلوين دول بس انا من وجهة نظري ان لو شخص معاه فلوس الكل هيحبه ويمــ,,ـــــوتو عليه
بسمله : دا اسمه استغلال وطمع مش حب الحب انك تحبي واحد علي قده وتغنيه بحبك تدبري امورك وامور بيتك امال الست بيتقالها ست بيت ليه
نوال :

اي بنت بتقلها ست بيت عادي مش حوار يعني
بسمله وهي بتنيم في ابنها علي رجلها : لاء طبعا مش اي ست يتقالها ست بيت الواحده اللي مبتعرفش تطبخ وتنضف وتغسل وتشوف احتياجات جوزها وتصونه في عرضه وشرفه متتجوزش احسن الجواز قبل ما يكون استقرار هو امانه وثقه وقت ما تكون بتعرفي تحتوي جوزك وبيتك وولادك وقتها نقولك ياست البيت
فاطمه ببتسامه : تسلم تربيتك يا بسبوسه ربنا يكملك بعقلك يا حبيبتي
زينب فتحت فونها لقت غالب منزل استوري رومانسي علي اغنية بحبك يااه :

اوعااا يا غالب يا شقي بسبوسه جوزك الرومانسي منزل اغنيه رومانسيه ابسط ياا باشاا
بسمله اخدت الفون وسمعت الاغنيه وقالت بستغراب : ماله الراجل دا داخل علي حب جديد ولا البت اللي بيخوني معاها اعترفت بحبهاا ايهماا اقرب ؟
زينب بتفكير : والله يا اختشي مش عارفه بس هي واضحه يعني اغنيه ريحتها ورقتين عرفي
بسمله بصتلها : انتي صح كدا انتي بتفكري صح هو متجوز عليا انا اصلا كانت شاكه بس كنت محتاجه اللي ينبهني لما اقوم اتصل بيه اجيبه جري من الشغل انكد عليه
زينب بهمس :

ربنا معاكي بس بقولك انا مقولتش حاجه خليني برا مشاكلكم لو عمر هيعطلك هاتيه لحد ما تخلصي تقطيع في اخويا
بسمله بصتلها : انتي مستنياني اقوم اتخانق مع قرة عيني يا مجرمه انا جوزي قادر اه بس مش لدرجة يتجوز علياا بخيل و محدش يستحمل بخله غيري انا هقوم من جنبك يا ابليسه بدل ما تطلقيني
زينب : قومي اناا غلطانه ليكي بفتح عينك علي الدنيا بدل ما انتي هبله بس براحتك
نوال : هو احنا مش هنروح زياره لمصطفي في بيته ؟
فاطمه :

ربنا يصلح حاله هو ومراته وترجع بيتها تنوره واحنا نروح
نوال : انا مش عارفه مصطفي جاب البت الصغيره دي منين اولا تفكيرهم مختلف بسبب سنهم البعيد جدا من بعض وغير جدا مراته طايشه اوي المفروض تحافظ علي واحد زي مصطفي
فاطمه : وليلي محافطة علي جوزها وبيتها وليلي مش طايشه ليلي بتحب جوزها وبتغير عليه هو اللي متفهمش كدا واتعصب عليها والخناقه كبرت مع ان مكنش ليها لزوم خالص وربنا يهدي سرهم يارب
نوتل بغيظ : يارب يا جدتي يارب المهم انا داخله اريح شويه ” وقامت دخلت الاوضه وقفلت الباب ”
…………………………….

” في شقة ليلي ومصطفي ”
” ليلي نيمت سلمي بعد ما اكلت الحجات الحلوه اللي مصطفي جابها ليها ودخلت اخدت شور ولبست توب ابيض وشورت من الحرير وحطت لمسات ميكب خفيف ورشت برفان ريحته تجنن ولبست روب بعد ما فردت شعرها علي ضهرها وابتسمت برضا علي شكلها وطلعت لمصطفي اللي واقف بيتكلم في الفون ”
ليلي بهمس : خلص واقفل المكالمه ” وحــ,,ـــــضنته وباست رقابته بدلع ”
مصطفي ابتسم وضغط علي ايديها علي انها تسكت :

معاك يا كبير كمل ” وهمس ” اهدي بقااا
” ليلي فكت زراير قميصه بدلع وخــ,,ـــــبث وبتبوسه كل ما بتفك زرار ”
مصطفي غمض عينه ومسك شعرها وقال بهمس : وديني لعرفك بس اهدي عليا ” وعلي صوته ” خلاص تمام هستناك بكرا في المستشفي يا ريس مع الف سلامه ” وقفل الفون كانت ليلي قلقت ومشيت خطوتين لقت اللي بيشدها من شعرها ”
ليلي برعب : وحياة عيالك متعملي حاجه ؟
مصطفي حاوط خصرها وحط جبينه علي جبينها : طب ما احنا بنخاف وبنجيب ورا اهووو
ليلي بتوتر :

يحبيبي بهزر معاك انت مبتهزرش خالص
مصطفي وهو بيمشي ايده علي خدها براحه وهو نازل بخــ,,ـــــبث : تؤتؤ مبهزرش بس ممكن اهزر يعني التجربه مطلوبه بردوو
ليلي بضحكه متوتره : احم لاء يا روحي متتعبش نفسك خلينا جد ودوغري مع بعض كدا
مصطفي دفــ,,ـــــن وشه في رقابتها وضمها بشتياق : هشش ….وحشتينيي ؟!
ليلي نامت علي كتفه بشتياق : وانت وحشتني اكتر
مصطفي بعد عن حــ,,ـــــضنها ومسك وشها بين ايده : لما تغضــ,,ـبي اغضــ,,ـبي في حــ,,ـــــضني بعد كدا مفيش خروج برا البيت لو فيها مــ,,ـــــوتك
ليلي باسته بدلع :

وانا عايزه امــ,,ـــــوت في حــ,,ـــــضنك يابن الجبراني.
الفصل السادس عشر 16 ” بعد مرور شهر الامور ماشيه طبيعيه في كل بيت وكل واحد مستقر مع مراته وعياله ”
دخل مصطفي الشقه بعد العصر استغرب الهدوء اللي موجود فيها رمي الجاكت بتاعه علي الكنبه : ليلي فينك ؟
ليلي طلعت من الاوضه بلهفه حــ,,ـــــضنته وباست رقابته : جوووزي رجلي وشايله اسمه عليا النعمه وحشتني
مصطفي بادلها الحــ,,ـــــضن و رفع حاجبه : خيييير يارب
ليلي قعدت جنبه واديها علي رقابته: يا راجل بقولك وحشتني تقولي خيرر
مصطفي بصلها بطرف عينه : بيني وبينك مبحبش الدخله دي خالص يعني مبتريحنيش
ليلي بصتله :

ادخلك دوغري في الموضوع انبوبة البوتخاز عايزه تتغير وعايزه خضار علشان البيت علي الابيض
مصطفي رفع حاجبه : مصروف البيت لسه وخداه من 3 ايام مبتعمليش منه ليه
ليلي بعدت عنه شويه وقالت بحذر : هقولك هفهمك اوعي تتهور المصروف خلصته بس وحياااتك جايبه حجات مهمه بردوو
مصطفي فتح بوقه بصدمه : خلصتي مصروف البيت كله دا حتي مخلصتهوش في نص الشهر هتبقي مبلوعه لاء دا النهارده 3 في الشهر دا انا هطلع ميتين ميتين ميتين اهل اهلك
ليلي جريت علي الاوضه ووقفت قدام الباب :

اهدي بس العصبيه مش حلوه لياا احنا نتفاهم انا جبت حجات مهمه والله
مصطفي وهو بيقلع حزامه : حجااات مهمه اااه جبتي مسكات بكااام يا ليلي ؟
ليلي بلهفه : فااض فلوس والله وحياتك فاض فلوس
مصطفي هدي شويه وقعد علي الكنبه : اطلعيلي تعالي هاتي الباقي انتي متمسكيش ميتين ام فلوس تاني
ليلي طلعت بتردد وحطت الفلوس قدامه علي الطربيزه : اهم دول الباقي
مصطفي مسك الفلوس وبصلها : 75 دو باقي 2000 بتوع الشهر ؟!
ليلي كشرت :

ونص دا مش مالي عينك 75 ونص يا متعلم يا بتاع المدارس
مصطفي مسكها من لاياقة بجامتها بغضــ,,ـب : اعمل فيكي ايييه اطلقك واخلص نفسي منك
ندي : احلام مش عيزاني قالتلي تخليكي في حــ,,ـــــضن جوزك ومتطلعيش منه ابدا
مصطفي : خليكي في حــ,,ـــــضن جوزك اااه دا انتي خربتي بيتي منك لله جايبه بالفلوس شوية كريمااات فلووس شهر ضيعتيها في ساعه يا زوووجة السعاده والهناا
ليلي بصتله برجاء : سيب البيجامه وحياة ابوك دي جديده علي فكره كستور دي خد بالك
مصطفي ضغط علي شفايفه بغيظ :

كستور ايييه دا انا هكسترك النهارده ” واخيرا سابها ”
ليلي وهي بتعدل هدومها : ايييه يا جدع كلبشت في البيجامه لحد ما كسرتها المهم هنعمل ايه في الفلوس اللي مراتك خلصيتها دي
مصطفي بصلها وسكت وشد الجاكت بتاعه ونزل من الشقه : فوضت امري ليك يارب حقيقي مش عارف اتعامل مع البني ادمه دي
ليلي من علي باب الشقه : متنساش الخضار يا حبيبي ” وقفلت الباب وقالت بفخر ” انه لم يقاوم جمالي بالبيجامه ف ترك الشقه وانصرف
سلمي طلعت من الاوضه بتدعك في عيونها بنوم :

ماما ابويا فين جابلي شيبسي وهو جاي
ليلي شالتها وحــ,,ـــــضنتها : ابوكي ممكن يطلق امك يا سلومتي راجل مفتري مستخصر فيا 2000 جنيه
سلمي بصتلها : هاتيلي لبن وتعالي غطيني وشغلي انا الفرحه علي فونك علشان انام
” ليلي اخدتها وراحت علي المطبخ وعملتلها اللبن وراحت نيمتها وشغلت الفديو علي الشاشه وفضلو بتفرجو لحد ما سلمي نامت وليلي قامت تنشر الهدوم ”
……………………………….
” في شقة غالب ”
غالب طلع من الحمام وكان لسه حالق دقنه بص علي نفسه في مراية التسريحه :

الله اكبر قمر يواد يا غالب تلاته بالله العظيم انا اجمل من مراتي بس شويه الحبوب دول يروحو هبقي اجمل من كرستيانو نفسه ” وفضل يدور في الحجات بتاعت بسمله لحد ما لاقي الفاونديشن وطبعا ميعرفش دا ايه ”
غالب بصله بستغراب : دا ايه مدام خلصان نصه يبقي بيجيب معاها مفعول ” وحط شويه علي ايده ودعكه في وشه كامل وهو مغمض وبعدين فتح وركز علي نفسه شويه في المرايا ” مسك بِ طحينه دا ولا ايه ”
بسمله دخلت الاوضه وفي اديها ورقة الطلبات :

غالب بقولك ” وصوتت ” اااااه مكيااااجي الفاونديشن اللي بستخصره في نفسييي تعمل فيييه كدا ” واخدت العلبه منه بغضــ,,ـب ”
غالب بيوزعه علي وشه : فاونديشن اييه يا جاهله دل مسك بِ الطحينه الواد اشرف الحلاق بيعمله ليا علطول اسكتي
بسمله بصدمه وهي علي وشك العياط : مسك بِ الطحينه ولا مسك بِ العسل دااا في حجاتي بتقرب منه لييه د ب 500 جنيه منك لله
غالب بصلها : دا ب 500 جنيه عليا النعمه اجيبه ليكي ب 50 جنيه اللحظه دي
بسمله بغيظ :

دااا مش مسك داا كريم اساس للميكب يا دكتور غالب الجبراني مااالك انت بييه بتقربله ليه
غالب بص لنفسه في المرايه : تصدقي بالله انا كنت حاسس انه مش مس الطحينه اصل اللي بحطه بيكون خفيف عن كدا لكن دا عامل شبه وش المحاره كدا ” وبصلها ” ليكون معجون يابت يا بسمله ؟
بسمله بضيق : معجون ااااه روح اغسل وشك يا غالب وبعد كدا متقربش لحجاتي بدل ما امسك برفناتك اكسرهااا
غالب بصلها برفع حاجب : بت انتي انا اعمل اللي انا عايزه انا واخد رف في الدولاب وساااكت مش راضي اتكلم
بسمله :

ولا هتتكلم واسكت بدل ما الم هدومك احطها في الجزامه واخد الرف ف احمد ربنااا كدا واسكت يباباااا
غالب بصلها برفع حاجب : الدولاب دااا انا جايبه بفلوسي علي فكره
بسمله بصتله برفع حاجب : ودي شقتي علي فكره
غالب بصلها بخــ,,ـــــبث وقرب عليها وهي بترجع راح شدها : انتي بترجعي لورا ليه ” وبيفك شعرها علي ضهرها ”
بسمله بتوتر : انت اللي بتقرب ليه وبتفك شعري ليه ؟
غالب باس رقابتها براحه : براحتي اعمل اللي نفسي فيه عندك اعتراض
بسمله بتوتر اكبر :

لاء معنديش بس ابعد الاكل علي النــ,,ـــــار هيتحــ,,ـــــرق
غالب بلا مبالاه وهو بيفك زراير بيجامتها : وايه يعني ما يتحــ,,ـــــرق
بسمله مسكت ايده : غالب عمر برا لوحده
غالب سكتها بشفايفه اللي باستها بكل رقه وحب : هشش خليكي معايا وبس انتي وحشاني ؟!
…………………………
” في بيت عيلة الحبايبه ”
” سالم قاعد وعلي وشه باين ملامح الغضــ,,ـب وجمال قدامه بيراجع وبيشوف اخر مره جاب تقاوي الارض منين واتصدم لما عرف ”
سالم بصله بغضــ,,ـب :

من عند عيلة الجبراني صح انا عارف ان مهما حصل بينا الغل والحقد مش هيطلع من قلبهم
احلام جابت الشاي حطيته قدامهم : صلي علي النبي يا اخويا علشان خاطر البنات روح واتكلم مع ابو مصطفي والحاج غالي وافهم منه
سالم بغضــ,,ـب : انا لو روحت هناك هفرج عليهم البلد محصول السنه كله ضااع التقاوي اللي هي المفروض مبيد لديدان مليت الارض ديدان والبلد كلها بتضحك علي محصول الرز بتاعنا
جمال : استهدي بالله بس يبا وانا هتصل بمصطفي افهم منه يمكن عندهم كدا بردو
سالم بضيق :

انت بتضحك علي عيل صغير يا جمال ما انت شايف محصول الارض بتاعهم عامل ازاي هو غالي الجبراني يقصدها يقصد يدينا التقاوي المضروبه علشان يضحك البلد علينا انا قايم رايحله اسود عيشته واجي ” وقام وقف ”
رشا طلعت وراه : استني بس يا سالم متبقاش متسرع كدا علشان خاطر بيتك ومتنساش احنا بينا نسب اهدي وابقي روح لكن تروح وانت متعفرت كدا هتدهول الدنياا
جمال : كلام امي صح يباا انا اللي هروح واتكلم معاهم وافهم الدنيا وارجع وانت خليك هنا علشان انا عارف لو جيت هنمسك في بعض
سالم :

وعرفهم ان الموضوع دا مش هنسكت عليه دا محصول سنه كامله وضاع وبسببهم
مروه نزل من شقتها علي صوتهم العالي وراحت عند جمال : خارج ولا ايه ؟
جمال بصلها : ايوا خارج في حاجه ولا ايه
مروه : اه كنت عايزه لبن وكيس مكرونه وعلبتين زبادي وانت راجع
جمال ببتسامه : مكرونه بشاميل صح ؟
مروه ابتسمت : عارفه ان نفسك فيها بقالك كتير الفتره اللي فاتت كنت تعبانه لقيتني النهارده فايقه كدا قولت اروق عليك
جمال باس اديها بحب : تسلميلي يا حبيبتي
سالم :

جمااااال جو المحن دا سيبك منه ركز في شغلناااا
جمال فضل يبرطم بضيق : طيب يباااا سلااام ” ومشي ومروه ضحكت وقعدت جنب احلام ورشا ”
…………………………
” في منزل سليم منزل متواضع جدا وقدامه حديقه صغيره ”
كنز كانت بترتب مكان اوضة النوم اللي جت من حوالي ساعه : سليم ايه رأيك نخلي السرير في وش التسريحه ولا في وش الدولاب
سليم كان بيركب النجفه في الاوضه بصلها من فوق : تفتكري هتفرق ؟!
كنز بصتله : ايوا طبعا هتفرق بس انا رأيي نخليها في وش الدولاب
سليم :

ايه رأيك انتي تعمليلي كوباية شاي وتشوفي اماندا فين علشان انا مبطمش لغيابها خالص
كنز ضحكت وهي طالعه المطبخ : عيوني حاضر … اماندا اماندا ؟
اماندا جت ليها وفي اديها عروسه لعبه : نعم يا ماما
كنز شالتها وباست خدها : كنتي فين يا قلب ماما
اماندا شاورت علي حوض السمك : كنت بلعب مع السمك الجديد
كنز وهي بترتب شعر اماندا : جعانه اعملك تاكلي ؟
اماندا : لاء مش جعانه دلوقتي الشاورما اللي جبتيها بتشبع
كنز نزلتها :

خلاص يا روحي لما تجوعي تعالي عرفيني انا بعمل شاي لبابا في المطبخ اهو اوعي تخرجي برا البيت لوحدك
” اماندا هرت راسها وراحت تلعب وكنز دخلت المطبخ وفونها رن ”
كنز : الوو ايوا يا ماما ؟
انصاف : خارجه من الصبح واحنا دخلين علي المغرب مش خير يا كنز
كنز : يا ماما يحبيبتي الاوضه واصله الساعه 2 عبي ما اتنصبت وفرشنا الارض وكل حاجه ولسه سليم بيركب في النجفه
انصاف بصرامه :

كنز خدي بالك دا راجل وعازب وانتي معاه ولوحدك دماغه تجيبه كدا تجيبه كدا وقفيه عند حده يصبر لما كتب كتابكم يتكتب
كنز بملل : ي ماما سليم مفيش في دماغه كدا سليم محترم ومحافظ عليا والله
انصاف : انا بوعيكي بس ويلا تعالي متتأخريش ابوكي زمانه هيتصل هقوله ايه لو مكنتيش في البيت
كنز : جاياااا يا ماما جاياااا ” وقفلت وعملت الشاي وراحت لسليم ”
سليم اخد الشاي من اديها : تسلم ايدك ياست البنات
كنز : حبيبي ماما اتصلت لازم اروح
سليم :

فعلا انتي هنا من بدري هروحك اهو بس امتي هتبقي معايااا بقا
كنز قربت منه ومسكت وشه بين اديها بحنان : قريب اووي هنكون مع بعض ولبعض لأخر العمر
سليم ميك اديها وباسها : انا قبلتك صدفه بس كانت اجمل واحلي صدفه مرت عليا
…………………………

” في المساء الساعه اصبحت 9 بليل ليلي نيمت سلمي واتأكدت انها نامت بعدين طلعت فستان نبيتي قصير ومنفوش بحملات رفيعه جدا وهيلز اسود بكعب عالي وعملت ميكب تحفهه وسابت شعرها وظبطت نفسها علي الاخر وراحت طلعت الكيكه من الفرن وقطعتها وحطيت صوص الشوكولاته عليها وجهزتها علي السفره وقطعت البيتزا وطلعتها وطلعت البيبسي وشغلت اغنية ل اصاله ” هو حبيبي ”
” بعد حوالي ربع ساعه دخل مصطفي وفي ايده كيس الطلبات فتح باب الشقه كانت ليلي بتستقبله ببتسامه جميله وهاديه ”
مصطفي في البدايه اتصدم لكن بعدين بصلها بإعجاب :

سنيوريتاا اييه الجمال دا
ليلي راحت عنده اخدت الكيس حطيته علي الطربيزه وباست خده : حمدالله علي السلامه ادخل علي السفره علطول
مصطفي بص علي السفره : وهل دا انك صرفتي النصروف ف بتراضيني ولا حلاوة روح
ليلي ضحكت : ولا دا ولا دا حسيت ان مهمله في جوزي الفتره دي قولت اعوضه وادلعه شويه
مصطفي شدها من اديها وحــ,,ـــــضنها وباس رقابتها برقه : انا لما اتجوزتك كنتي حلوه وانا كنت مجنون بيكي ف انتي بقيتي اجمل واجمل من لما اتجوزتك طب اعمل ايه في كل الحلاوه دي احيانا بكون عايز اخبيكي
ليلي بصتله :

تعرف انك مش بتقولي بحبك خالص ؟!
مصطفي باس شفايفها بعشــ,,ـق : بحبك وبعشــ,,ـقك وبمووت فيكي
ليلي ببتسامه : وانا بدووب فيك
مصطفي : سلمي نامت ولا ايه ؟!
ليلي : من بدري
مصطفي بخــ,,ـــــبث : طب بنضيع وقت ليه مش فاهم انا
ليلي رجعت ورا : مصطفي اعقل متبوظش الليله احنا لسه في البدايه
مصطفي شدها : هنا البدايه والنهايه اسكتي ” وحط ايده ورا رقابتها وباسها بكل عشــ,,ـق وهي بادلته البوسه بحب “