الحب الاول سوليه نصار - أبرج نيوز ستار 651

الحب الاول سكريبت بقلم سولييه نصار مش هتزعلي مهما كان اللي هقوله قالها سليمان بتوتر بصتله وقولت بتأكيد لا مش هزعل يا سليمان أنت مش جوزي بس انت صاحبي كمان نسيت إننا كنا اعز اصحاب قبل ما نتجوز أنا مبزعلش منك يا سليمان ابتسم وقال عشان كده حبيتك يا رقية حبيتك عشان انتي الوحيدة اللي بتفهميني وبتتفهميني وبتحبيني اكتر من نفسك كمان وشي احمر وانا ببص في الارض سليمان هو حب عمري طبيعي احبه اكتر من نفسي حسيته اتردد شوية ومسك ايدي وقال انا عايز اتجوز وشي اصفر من الصدمة حسيت ان عينيا لتحرقني واني هعيط في أي وقت رغم ان على شفايفي كانت لسه الابتسامة مختفتش كان هو بيراقب رد فعلي بقلق قلقه اثر فيا بس كلامه ك سر قلبي بلعت ريقي وانا بسأل سؤال عارفة اجابته فيه حد معين في بالك ! ايوة ورد !!! كتمت دموعي وانا بسمع اسم البنت اللي اخدت قلبه البنت اللي لحد دلوقتي بيغلط ويقول اسمها بدال اسمي ورد كانت وما زالت الکابوس بتاعي بنت حبها پجنون من أيام الجامعة بس مكنش عنده الجراءة انه يعترف لحد ما ضاعت من أريده وراحت لغيره وقتها ندم ندم انه ضيعها وفضل في حالة حزن لسنة تقريبا وانا الوحيدة اللي وقفت جمبه عشان كده هو اتجوزني بلعت ريقي وانا بفتكر عرضه للجواز ليه فلاش باك تتجوزيني يا رقية! قالها فجأة فبصتله بذهول ومن غير قصد وقع موبايلي من ايدي ابتسامة صغيره ظهرت على شفايفه وجاب موبايلي من الأرض وهو بيقول يعني دي موافقة ولا رفض مش فاهم ! انت مبتحبنيش ! قولتها وانا كلي امل انه ينفي الكلام ده ويقول انه بيحبني حتى لو هيكذب هز راسه وقال مش لازم الجواز يكون عن حب اللي بيننا هيكون احسن من الحب اللي بيننا هي صداقة هيكون عشرة هتكون رحمة ومودة مش لازم حب !! باك رجعت من شرودي وانا شايفاه بيبصلي بقلق كان فعلا خاېف يخسرني قولت بهدوء لو دلوقتي خيرتك بين وبينها هتختار مين ! هختارك انتي قالها بسرعة وبدون تفكير وكنت عارفة انه صادق مبيكدبش عليا ابتسمت بحزن وقولت بس رغم كده هتكون تعي سودي فرصتك عشان تكون مع حب حياتك صح سكت ومتكلمش فاتنهدت وقولت اتجوزها يا سليمان اتجوزها وانا مش هسيبك بس طلبي الوحيد أنك متدخلنيش في حياتكم سوا متتكلمش عليها قدامي متتكلمش معاها وانت معايا أعمل فرحك وافرح بس بعيد عني روحلها قد ما انت عايز بس لما تكون هنا في بيتنا تكون ليا وبس متفكرنيش كل مرة ان في حياتك فيه حد غيري ! أنتي أكيد اټجننتي هتجوزي جوزك !! ايه الهبل اللي انتي فيه ده يا رقية صړخت كريمة في وشي بس أنا كنت هادية كنت ماسكة بس تليفوني وانا ببص على صورنا أنا وسليمان الدموع كانت محپوسة في عيني بتعذبني اخدت كريمة من ايدي التليفون ورمته على الانتريه وقالت بعصبية انتي ايه البرود اللي انتي فيه ده يا بنتي انتي بتسلمي جوزك اللي بټم\وتي فيه لواحدة تانية انتي ازاي تعملي كده كنتي بهدلتي الدنيا وفهمتيه انك هتسيبي البيت لو عمل كده كنتي خيرتيه بينك وبينها بصتلها بإبتسامة باهتة وقولت ما أنا عملت كده فعلا خيرته بيني وبينها واختارني أنا بس لو كملت ابتزازه هيكون مبسوط!لا بالعكس هيكون تعيس وانا مقدرش اشوف سليمان تعيس مش هقدر يا كريمة حطت ايديها في وسطها وقالت ويعني عشان حضرتك متخلهوش تعيس تبقي انتي تعيسة !!تدمري حيانك بإيديكي هو ده اللي انتي عايزاه غمضت عينيا ودموعي بتنزل وقولت محدش عاقل عايز يكسر قلبه بإيده يا كريمة بصتلي وكأني --- اټجننت وقالت اومال ليه بتعملي كده ليه بتكسري قلبك بالشكل ده !! مسحت دموعي وقولت عشان مكسرش قلبه هو يا كريمة مقدرش اشوفه تعيس أنا ابقى تعيسة مش مهم المهم هو هزت كريمة راسها بيأس وقالت انتي اللي هتعاني في الاخر مش قادر اصدق أنا رايح اتقدملها رايح اتقدملها يا احمد أخيرا ورد هتبقى ليا بص احمد ليه وقال ورقية يا سليمان اتوتر سليمان مالها رقية! انت مش شايف أنك بتكسرها بالطريقة دي المسكينة معملتش حاجة في حياتها غير انها حبتك مش دي الطريقة اللي مفروض ترد بيها حبها على فكرة هي راضية قالها سليمان بضيق وهو بيحاول يخلص من شعور الذنب اللي في قلبه هز احمد راسه وقال لا هي مش راضية هي بس مش عايزة تزعلك هي بتحبك لدرجة انها عندها انها تبقي تعيسة طول حياتها ولا تحزن انت لثانية رقية هي اكتر حد حبك في الحياة دي اكتر واحدة وقفت في ضهرك اكتر واحدة بدتك على نفسها حس سليمان انه مخڼوق وقال وانا بحبها بحبها يا احمد بس ورد هي حب حياتي أنا ندمت اني كنت جبان وضيعتها وسيبتها لحد ما اتجوزت واهي اتطلقت وانا مش هضيعها تاني اتنهد احمد وقال اعمل اللي انت عايزه !!! في بيت عم رحيم ابو ورد كان سليمان قاعد والسعادة على وشه مش مصدق ان أخيرا قعدوا سوا ولوحدهم كانت ورد قاعدة على الانتريه وهي بتفرك ايديها بتوتر شعرها نازل على وشها بدأ سليمان يتكلم وقال مش ناوية تسأليني عن حاجة هزت ورد راسها بتوتر فقال سليمان وهو بيضحك بسعادة وتوتر مكنتش متخيل في يوم أنك تكوني ملكي حاسس اني بحلم تعرفي أنا بحلم باليوم ده بقالي قد ايه تعرفي اني رغم جوازي بس محدش قدر يحتل قلبي زيك ورد أنا بحب قاطعته بعيون مدمعة وقالت سليمان أنا مش بحبك !!! بتقولي ايه ! قالها سليمان هو وبيرمش حس وكأنها جابت خنجر وضړبته في قلبه مكانش مصدق ان احلامه بتتسرب من ايديه هو بيحبها مش هيقدر يخسرها بلع ريقه وقال هتحبيني دموعها نزلت اكتر وقالت مقدرش اضمنلك ده ابتسم وقال بس أنا اقدر اضمنلك اني هحبك اكتر من اي حاجة هحبك بطريقة تخليكي ڠصب عنك تحبيني بس اديني فرصة مسحت ورد دموعها وقالت ماشي موافقة بس نعمل خطوبة الأول ابتسم هو وقال وانا تحت أمرك في البيت كنت قاعدة على الانتريه ضامة رجلي بإيدي لجسمي وانا بعيط جامد قلبي كان واجعني اووي متخيلة بعد ما يتجوزها ايه اللي هيحصل حبه كله هيكون ليها وانا هتركن على الرف كان جزء مني ندمان اني وافقت انه يتجوز بس جزء تاني شايف ان سليمان يستحق السعادة سليمان هو كل حياتي مكنتش اقدر اشوفه تعيس حتى لو هحرق قلبي بإيدي!! في بيت احمد كان قاعد سليمان وكان قالع الجاكيت بتاع البدلة مشمر القميص الابيض بتاعه كان مريح على الانتريه وهو بيشرب النيسكافيه بتاعه كان أحمد بيبصله كان باين على سليمان الراحة مش مصدق اني بحقق حلمي بجد مش مصدق حاس اني في حلم حلو حلم جميل أنا حاسس كأني طاير يا أحمد كان أحمد بيبصله بغيظ وقال فجأة بإنغعال أنت اناني يا سليمان بصله سليمان پصدمة عشان يكمل هو ايوة اناني رقية بتحبك متستاهلش كده منك هي اللي وقفت جمبك في حزنك هي اكتر واحدة ادتلك حب اتجوزتك وهي عارفة أنك مش بتحبها بس افتكرت ان حبك ليها كفاية دعمتك في شغلك اتحملت كتير ازاي يجيلك قلب ټحرق قلبها بالشكل ده ايوة عارف ان حقك شرعا محدش يقدر ينكر حقك ده بس انت شايف أنك لو عملت كده مش هتقهرها فاكر ان عشان وافقت --- أنك تتجوز معناها انها راضية هي بټم\وت من جوا أنا عارف أنا فاهم أنا عارف !! عيون سليمان بقت حمرا من الڠضب وكان هادي الهدوء قبل العاصفة وهو بيسمع كلام احمد بعدين قال بهدوء عارف ايه ! عارف يعني ايه الانسان اللي بتحبه يبقي مع حد تاني غيرك عارف يعني ايه مرارة الغيرة عارف يعني ايه تبدي سعادة اللي بتحبه على سعادتك قام سليمان فجأة وقرب من أحمد وبعدين مسكه من قميصه وقربه منه عينيه بتلمع پغضب انت بتحبها بتحب مراتي يا احمد كدبت عليا وقولت أنك لما اتقدمتلها بس عشان شوفتها مناسبة لكن انت حبيتها صح !!! ايوة أنا وقبل ما يكمل كلامه كان سليمان بيضربه پعنف !! اطلع من حياتنا انا ومراتي يا احمد سامع صداقتنا انتهت !!! قالها سليمان وعينيه بتبرق پغضب وأحمد كان واقع على الأرض مناخيره وهو بيكح من شدة الضړب سليمان فعلا كان زي الۏحش بص أحمد بتعب ليه وقال انا مش بحاول اخد منك مراتك يا سليمان أنا بنصحك لو خسړت رقية هتندم اوووي أنت بتحبها مشاعرك ناحية ورد انجذاب لحاجة انت مقدرتش تمتلكها بس لما تمتلكها شغفك كله بيها هيختفي متعملش كده متكسرش قلب رقية عشان هتبقي كده بتك سر قلبك أنتهتك سر قلبك لانها هتيجي في يوم وهتمشي اخرس قولتلك اخرس صړخ في وشه وهو بيقرب منه عشان يضربه مره تانية بس وقف وهو بيتنفس بتعب وبيقول انت انت حقېر ومش هتنول اللي انت عايزه رقية مش هتسيبني لاني أنا بحبها وهي بتحبني أنا مش هسمح لرقية انها تضيع من بين ايديا وبعدين سابه ومشي قام أحمد بتعب وهو بيمسح مناخيره بالمنديل كان حاسس ان جسمه كله وجعه سليمان فضى غلبه كله فيه قعد على الانتريه بتعب مكانش حاسس بالڠضب من سليمان بالعكس كان شفقان عليه لان سليمان لو خسر رقية هيعاني في حياته طلع موبايله وهو بيخون وعده بنفسه طلع صورتها صورة رقية صورتها وهي عندها 16سنة كانت صورة ليها هي وسليمان وأحمد وياسمين ابتسم وهو بيبص لرقية رقية كانت حلمه هو حبها قبل ما يعرف معنى الحب بس عيون رقية كانت على سليمان ولما سليمان حب ورد افتكر ان دي فرصته عشان يتقدملها بس اترفض وهو مقالش انه بيحبها لما ساله سليمان بغيرة عن السبب اللي خلاه بتقدم لرقية بعد ما اتجوزها كدب عليه وقاله انه شافها مناسبة ليه غمض احمد عينيه وهو بيتمني ان سليمان ميخسرش رقية بيتمنى فعلا كده كنت نايمة على سريري كنت بين النوم والصحيان لما حسيت بسليمان بيدخل الاوضة البرفان بتاعه ملى الاوضة كلها انكمشت على نفسي وانا بحسه بيقرب منه وبعدين حضڼي وهو بيبوس راسي وبيقول وحشتيني حاولت معيطش وقولت بصوت هادي سليمان عايزة انام بجد بس هو مبعدش وقال انا عايز اتكلم اتكلم وبس أنا مخڼوق اووي حد غيري كان هيتجاهله بس أنا مقدرتش لان ببساطة ده سليمان قومت وانا بتعدل بصتله يهدوء وانا بقول بتريقة حصل ايه العروسة موافقتش ابتسم وهو بېلمس خدودي لاحظت ان على صوابعه آثار حمرا كأنه ضړب حد بالبوكس مسكت ايديه وانا بقول پخوف حصل ايه! أتخانقت مع احمد ايه ليه عملت كده ! فضل يلعب في شعري ومرضيش يرد سليمان رد ليه أنا بحبك يا رقية اوعي تتخلي عني لو سمحتي انت كويس يا سليمان شكلك مش طبيعي النهاردة بلع ريقه وقال كنتي تعرفي ان احمد بيحبك قبل ما نتجوز بصيتله بدهشة وانا شايفة الغيرة بتلمع في عينيه بس قولت بهدوء ايه اللي فتح الحوار ده دلوقتي حبتيه يا رقية لو كنت حبيته يا سليمان كنت اتجوزته لما سكت --- شوية وبصتله پصدمة وقولت انت ضړبته عشان كده غيرت عليكي اتنهدت وقولت تعرف يا سليمان الست كمان بتغير أنا حبي ليك أكبر من حبك ليا بس رغم كده سمحت ليك تروح لغيري تخطب وتتجوز غيري عارف ليه ! فضل باصصلي من غير ما يتكلم فقولت عشان أنا عارفة ان سعادتك مع ورد وانا مقدرش اشوفك سعيد بالنسبالي انت اهم مني بس لو عكسنا الادوار هتعمل كده ميل راسه وبدأ الڠضب ينتشر على ملامحه وقال تقصدي ايه ! اقصد لو جيت وعرفت يوم ان سعادتي مع غيرك هتسيبني ابقى سعيدة الڠضب اللي في عينيه كان رهيب وهو بيقول من بين ضغط اسنانه ده أنا !!! ابتسمت بحزن قرب هو ومسك ايدي وقال مقدرش اتحمل انك تبعدي عني انتي بالذات يا رقية أنا ممكن اخسر الكل عشانك ممكن متصدقيش اللي بقوله بس انتي احسن حاجة حصلت في حياتي دموعي نزلت وقولت بصوت كله ألم طيب ليه عايز تتجوزها ليه عايز تقهرني ازاي بتحبني وبتقول عايزها عشان بحبها هي كمان أنا بحبكم انتوا الاتنين وعايزكم انتوا الاتنين بسبس لو جوازي منها هيخليني اخسرك أنا مستعد أتراجع فورا أنا مقدرش اخسرك انتي بالذات أنا مش عايز اخسرك يا رقية مش هتحمل انك تبقى لغيري الفكرة نفسها مخلياني هتجنن عشان خاطري يا رقية بلاش تقوليها مرة تانية بلاش تلمحي انك ممكن تروحي لحد تاني بلاش سيرة انك هتبعدي اتنهدت وانا بحاول معيطش فكمل كلامه لو جوازي من ورد هيخليني اخسرك فهوقف كل حاجة عيوني دمعت جامد وقولت بصوت مخڼوق مش عايزة انك تكون تعيس اتجوزها يا سليمان ابتسم وهو بېلمس خدودي وقال بقلق انتي مش هتسبيني ! هزيت راسي وانا بكتم دموعي عشان متنزلش وقولت مش هسيبك ابدا !!! وبعدين حضنني جامد وهو بيقول شكرا انك في حياتي حضنته وانا دموعي بتنزل حاسه قلبي بيتكسر بس مش قادرة اتكلم بعد عني وهو بېلمس شعري وبعدين قرب من وشي بس انا بعدت وشي وانا بقول بتوتر انا تعبانة وعايزة انام شوفت خيبة الأمل والقلق في عينيه بس ابتسم ليا وهو بېلمس شعري وبيقول خلاص يا حبيبي نامي وارتاحي هزيت راسي فكمل بس ممكن احضنك! كان باين عليه الخۏف الخۏف من اني ارفض قربه فابتسمت ليه ونومنا تاني يوم كانت خطوبة منة وسليمان كنت قاعدة قدام التليفزيون من الصبح مكنتش بكلم سليمان رغم أنه كتير حاول يفتح معايا كلام كان بيراقبني بتوتر حتى أنه اختار يروح عند أخته ويجهز نفسه للخطوبة لقيته قرب وقعد قدامي على ركبته ومسك ايدي وهو بيقول طيب ليه بتعامليني كده ليه بتبعدي عني بالشكل ده رقية انتي بتخوفيني حړقت الدموع عيني وقولت أنت خطوبتك النهاردة من واحدة تاني غيري ده صعب عليا يا سليمان صعب اووي متضغطش عليا ابوس ايديك زي ما هتحمل أن واحدة تانية هتكون في حياتك اتحمل انت تعاملي الفترة دي هتحمل قالها بهدوء وهو بيبوس ايدي بالليل كان بيجهز في بيت أخته وهو بيصفر بيحاول يحسن مزاجه ويبعد الخۏف من قلبه اكيد رقية مش هتسيبه هي بتحبه مش هتسيبه وهو مش هيسمحلها تبعد عنه هيعمل المستحيل عشان تفضل معاه أنت مش هترتاح الا لما تخسرها قالتها نورا أخته وهي بتديله جاكيت البدلة نفخ بضيق وقال هلاقيها منك ولا من احمد سليمان رقية لو قررت تسيبك انت هتضيع لبس الجاكيت وهو بيبوس راس أخته وقال انا مش هسمحلها تضيع من بين ايديا لو فكرت تسيبني هحبسها في البيت أو هخطفها بعيد هزت نورا رأسها بيأس في بيت ورد كانت ووالدتها بتزغرط أن اخيرا بنتها قررت تنسى علي اخيرا قررت تبص لنفسها كان سليمان مبتسم لورد اللي كانت في عالم تاني قلبها ۏاجعها ازاي هتتخطب لحد --- وقلبها فيه حد تاني هي لسه بتحب علي انتبهت لما سليمان اتكلم وقال بحب متتخيليش أنا استنيت اللحظة دي قد ايه استنيت عمر بحاله حاولت هي تبتسم ليه بس مقدرتش فحطت عينيها في الأرض جابت والدتها الدبل ومسكها وهو مبسوط فجأة ابتسامته بهتت وهو بيشوفني قدامه بدخل من باب البيت بكامل زينتني قام بسرعة وقرب مني وهو بيقول رقية بتعملي ايه هنا ! ابتسمت وقولت جاية احضر خطوبة جوزي ! رقية !! قالها سليمان بتوتر وهو بيبلع ريقه كان متوتر أنا حاسة بيه ابتسمت بلطف وقولت انا مش جاية ابوظ خطوبتك يا سليمان قمتقلقش انا قلقان عليكي ليه تقلق أنا كويسة ويالا روح ميصحش كده عروستك مستنياك بلع ريقه وهو بيبصلي كنت ماسكة دموعي بالعافية كنت حاسة ان قلبي بيتعصر من الألم بس قدرت بمجهود اني اسيطر على دموعي فضل هو باصصلي وعيونه فيها ألم يالا روح لعروستك قولتها بصوت واطي ابتسم وهز راسه بس ابتسامته كانت مش ابتسامة سعيدة بالمرة راح هو يلبسها الدبل وانا ركنت شوية في مكان كنت شايفة ان ام العروسة بتبصلي بقرف بس مش قادرة تتكلم لانها خاېفة من سليمان كان قلبي بيتقطع وانا شايفاه بيلبسها الدبل كنت حاسة نفسي هنفجر في العياط في أي وقت لعنت غبائي اللي خلاني اجي عشان اشوف بعيني جوزي وهو بيروح لغيري قلبي اتعصر بقوة وانا شايفاه بيبصلها بحب حب كبير هو عمره ما بصلي بالطريقة دي بعد ما خلصت الخطوبة قرر يمشي علطول احترمني ومحاولش حتى يقعد معاها كنت راكبة العربية معاه كان بيحاول يتكلم معايا ويخرجني من المود اللي انا فيه بس أنا مكنتش عايزة اتكلم بشكل واضح ده اللي خلاه يسكت بإرتباك قرر يشغل الراديو على اغنيتي المفضلة لعمرو دياب أنا عمري ما حد خطڤني كده دا أخدني حبة حبة في حاجات مش ممكن تستخبى ما بين اتنين أحبة أنا عمري ما حد خطڤني كده دا أخدني حبة حبة في حاجات مش ممكن تستخبى ما بين اتنين أحبة في دلع متشال لحبيبي وحنية من غير حساب طب وأعمل ايه قفلت الراديو وقولت ببرود متشغلش حاجة مش عايزة اسمع بصلي وقال انتي بتحبي عمرو دياب مبقتش بحبه زي حاجات كتير كنت بعشقها ودلوقتي بقت عادي وقف العربية فجأة وقال وهو بيبصلي تقصدي ايه ! فتحت باب العربية وخرجت كنا وقفنا جنب النهر مسكت السور وبصيت على النهر وانا عيوني مليانة دموع حسيته قرب مني وهو بيقول مالك يا رقية فيه ايه تعاملك بارد معايا اتنفس بضيق وهو بيشوفني اني متجاهلاه تماما فمسك دراعي وخلاني ابصله وقال ممكن تبصيلي متتجاهلنيش بس فجأة بصلي پصدمة وهو بيشوفني ببكي كانت عيوني حمرا بسبب الدموع رقية قالها بحزن فشديت دراعي وقولت ممكن تسيبني لوحدي أنا عايزة مساحتي الخاصة اتنهد وقال انا اسف آسف انتانت عمرك ما حبتني عمرك قولتها بصوت مخڼوق من العياط باس رأسي وقال والله ما حصل أنا بحبك وبحبك اووي كمان بس مش هتحبني قدها أنا شوفت بتبصلها ازاي انت عمرك ما بصتلي بحب زي ما بصتلها النهاردة وانت بتلبسها الخاتم عمرك ما هتحبني بالشكل ده عمرك انت مش حاسس پالنار اللي جوايا مش حاسس ازاي تحب حد اكتر من حياتك وتروح تسلمه بإيدك لحد تاني مش هتحس بالقهرة دي يا سليمان حتى لو أنا روحت لغيرك لأنك عمرك ما حبتني بعدني عنه وهو ماسك راسي بإيديه الاتنين وبيقولي بصي في عيني بصيلي بصيتله فبصلي بحب وقال انتي شايفة اني مش بحبك شايفة في عيوني آني مش بحبك مش هتحبني قدها بحبك اكتر منها ولو قولتي دلوقتي افسخ هفسخ انت عارف ان عمري ما اقول كده لاني مش عايزك تعيس بس ممكن لو بتحبني تحققلي طلب بسيط ايه هو قالها بتوتر وكأنه --- حس اللي هطلبه مش هيعجبه بلعت ريقي وقولت عايزة ابعد شوية عنك خلينا ناخد بريك يعني ايه مش فاهم قالها بنبرة وكأنه هينفجر بالڠضب في أي وقت فرديت يعني ننفصل مؤقتا اعيش في بيت اهلى اهدى شوية وبعدين أرجع !! بتقولي ايه ! قالها وهو بيبصلي بفز ع كان أول مرة اشوفه مصډوم بالشكل ده حاول يهدي نفسه أنا كان باين عليا الاڼهيار رقية انتي حاليا متضايقة خلينا نروح بيتنا وبكرة نتكلم وبعدين حاول يمسك ايدي عشان يوديني العربية بس انا بعدت ايدي عنه وانا بقول بصوت مخڼوق وديني بيت بابا لو سمحت لو سمحت حك رأسه بتوتر هو ميقدرش يخسرها مسك ايدي فجأة وقال انا هفسخ الخطوبة خلاص مش عايزها بس متقوليش انك هتسبيني بعدت عنه وانا بعيط وقولت لا متفسخش بس وديني بيت بابا لو سمحت لو بتحبني اعمل كده أنا بس اهدأ وارجع عايزة مساحتي الخاصة هديكي مساحتك الخاصة بس في بيتنا يا رقية لو عايزة مش هتشوفي وشي في البيت مش هقرب منك بس انك تطلعي من بيتنا لا ده مرفوض حرام عليك انت مبتحسش قولتلك مش عايزة ابقى معاك حاليا وديني لبيت بابا وديني والا مش هيكون مجرد بريك أنا هتطلق منك رفع ايديه وهو بيهديني وقال طيب اهدي اهدي حاضر هوديكي يالا عشان اوصلك كنت مصډومة أنه استسلم بسرعة كنت فاكرة أنه هيحاول معايا لكن يظهر أنه مبيحبنيش فعلا مسحت دموعي وقولت بصوت رايح من كتر العياط شكرا ليك العفو يا ستي وبعدين مسك ايدي وفتح العربية ركب على الكرسي بتاعه وبعدين قفل العربية باللوك بصتله بحيرة بس هو مبصليش وبعدين ساق العربية المكان اللي كنا فيه لحسن الحظ كان قريب من بيت بابا فجاة حسيت بحاجة غلط هو مشي من طريق تاني عدا الطريق اللي مفروض يدخل فيه أنت رايح فين يا سليمان ده مش طريق بيت بابا ده طريق بيتك !! اسمه بيتنا يا رقية بعدين أنا مش هوديكي بيت ابوكي ازعلي وعاقبيني بس في بيتنا عادي وانا هصالحك بطريقتي أنت مش هتجبرني على حاجة يا سليمان وقف العربية فورا لا قالها ببرود فقولت پغضب طيب أنا هنط من العربية اتفضلي مين مانعك حاولت افتح باب العربية پغضب بس افتكرت أن قفله سليمان وديني بيت بابا قولت وأنا قولت لا قالها ببرود وبعدين شغل الكاسيت على اغنية أمير عيد اتقابلنا مرة واحدة وكل مرة بستنى صدفة حلوة تجمعنا يمكن تطير الوحدة مواضيع كتير حضرتها وسيناريوهات من غير عدد إزاي اقرب منه وتشوفني يوم ضهر و سند أكون لها طبعا أمير راجل خطبر في الجدعنه تهرب في حضڼي بالساعات من ذكرياتها المحزنة هاشوفها تاني ولا الوقت فات خاېف أحلامي ټم\وت من سكات هاشوفها تاني ولا الوقت فات خاېف أحلامي ټمو\ت من سكات ولا هكون بتاع بنات عندي حكايات كتير اوي حبيب لعيب لكن تقيل وهسيبها لما تستوي ايام كثير مرت وأنا مستني صدفة اتأخرت شفت خيال من بعيد أحلامي رجعت ونورت فضل يغني وانا بغلي جوايا وقفت العربية قدام بيتنا وقال يالا عشان نطلع بيتنا لا مش هطلع قولتها بعناد اتنهد وراح طلع من العربية بعد ما فتح اللوك وفتح الباب وقال اخزي الشيطان ويالا قولتلك لا !! انتي اللي اختارتي قالها بهدوء وبعدين شالني سيبني بقولك زعقي يالا زعقي وافضحينا ولمي علينا الجيران سكتت بضيق طلعنا بيتنا وقعد جمبي وقال مش هضايقك خالص خدي مساحتك الخاصة هنا لو وجودي هنا هيضايقك هروح ابات عند اختي لكن متطلعيش من بيتنا اتفقنا وبعدين باس راسي وخرج تاني يوم نعم انت خطبتها امبارح وجاي تفسخ النهاردة هي بنات الناس لعبة في ايديك قالتها ام ورد وهي بتزعق في سليمان فقال وهو بيبص لورد بكسوف معلش مفيش نصيب كانت ورد باين عليها الراحة مكنتش عايزة اصلا الخطوبة دي طيب ايه رايك بقا مفيش شبكة عشان تتلم وأعلى ما بس سليمان وقفها بإيده وقال خدوها مش عايزها وانا بعتذر مرة تانية راح قام عشان يمشي راحت وراه ورد وهي بتقول استني يا سليمان بصلها سليمان وهو حاسس بالاحراج والصدمة من أن قلبه مبيدقش وهي قريبة منه كده انا اسف بجد انا مبسوطة انك اقتنعت انك اخيرا بتحب مراتك مش حد تاني ابتسم سليمان ومشي هو أدرك متأخر أن حبه لورد عشان هي بس ضاعت من أيديه لكن مكانش حب حقيقي حبه الحقيقي هي رقية عرف ده لما قالتله عايزة تبعد امبارح حس أن قلبه بيتعصر من الألم بس خلاص هو مش هيخليها تبعد عنه من النهاردة في بيت سليمان ورقية دخل وهو ماسك باقة ورد حلوة اووي بلون الاحمر زي ما بتحبها هي رقية حبيبتي قالها بسعادة بس قلق وهو مش سامع صوتها جري على الاوضة واټصدم بدولابها المفتوح وهدومها اللي اختفت رقية !! قالها وعينيه بتحرقه بسبب الدموع يتبع