دخلت علي ركني المفضل وبدات اقرا في كتاب ‘ احم حضرتك الانسه مريم حسن؟! رفعت راسي باستغراب وقولت ° اه أنا ، مين حضرتك؟! #بقلم_مَريمه #حواديت_مَريمه_وياسين ‘ انا ياسين الزهران ، اخ هدي اللي عملتيلها فستان خطوبتها من اسبوعين بدأت اجمع الموضوع طب عايزني في ايه ده !! صل علي مُحمد ° خير حضرتك ..في مشـ,ـكله؟! ‘ لا ابدا بس ممكن اقعد؟! هزيت راسي باه فقعد قصادي وبدا يتكلم ياسين:- بصي انا عرفت مكانك من هدي هي قالتلي انها قابلتك اول مره هنا في المكتبه ،وكنت محتاج اتكلم معاكي في موضوع شغل؟!
° شغل؟! مش فاهمه؟ قال بابتسامه:- انا عندي محل ملابس للمحجبات في شارع*******والحقيقه استغربت هدي لما حبت تفصل دريس عندك بالرغم من وجود كتير في المحل ، لاكن لما شوفت تصميمك عرفت هي ليه اصرت علي كده كنت بسمع بتركيز :- تمام وبعدين ‘ وبعدين ، فكرت ليه منشتغلش مع بعض بمعني انتي تصممي وتفصلي وتعرضي شغلك عندي في المحل ° طب ماحضرتك قولت عندكم بالفعل دريسات وشغل كتير ليه انا بقي ؟!
قال بعمليه:- الفتره الاخيره المصانع اللي بتعامل معاها تقفيلها مبقاش افضل حاجه ده غير كمان معظم القماش بقي في نسبه شفافيه وانا بشتعل في الزي الشرعي فاكيد فاهمه ان القماش لازم يبقي ساتر تماما هزيت راسي باه عشان يكمل ‘ انا لغيت شغلي معاهم واشتغلت مع ناس تانيه وطبعا الميزانيه عليت جدا، بس الحقيقه تصميمك عجبني جدا وعرفت من هدي انك مفصله دريسات وهدوم لبنات كتير وكلهم بيشكروا في شغلك جدا؛ ففكرت ليه متشتغليش معانا مثلا يبقي في كورنر في المحل لتصميماتك انتي !!
بستوعب الكلام :- طب حضرتك هستفيد ايه؟! قال بعمليه:-اكيد طبعا هستفيد اولا لو شغلك عجب الزباين فبكده هحل مشكله الميزانيه والمصانع اللي بشتعل معاها ثانيا هضمن ان سمعه المحل تفضل زي ماهي احنا من اول مافتحنا واحنا مركزين علي الزي الشرعي جدا وانه يبقي مريح وشيك في نفس الوقت، وانتي بنت واكيد فاهمه دماغ البنات في اللبس قولتي ايه؟! سكت شويه افكر وقولت:- محتاجه وقت افكر ، الموضوع مفاجئ الصراحه
رد بابتسامه:- مفيش مشـ,ـكله ده رقمي تقدري تتواصلي معايا او مع عائشه وممكن تنورينا في المكان تشوفيه قبل ماتاخدي قرار.. ° تمام ، إن شاء الله استاذن ومشي وانا مسوحتش دماغي في التفكير كتير هفكر مع امي ومروان اكيد ،،، وبالفعل اخدت حاجتي ورجعت البيت ……………………. °عايزاكم في موضوع مهم ! ماما:- خير يروما قولي مروان بضحك:- احكي ، اهو نتسلي شويه رميت المخده عليه:- الموضوع جد،،، وبدات احكيلهم اللي حصل كله
مروان:- وانتي ايه رأيك؟ ° مش عارفه يمارو لسه مقررتش حاجه ؟! ماما:- بس الموضوع كويس يمريم هيفيدك في شغلك ، بس برضوا اللي يريحك اعمليه مروان:- انا عارف المحل علي فكره مش بعيد عننا بس لازم اسال علي ياسين ده مانا مش هسيبك تشتغلي مع حد مش عارف اخلاقه ابتسمت:- اكيد يحبيبي هتعمل كده ، بس تفتكروا هقدر يعني كده هيبقي مطلوب مني كميات وفي وقت محدد ومسؤوليه برضوا
مروان قرب مني واخدني في حضنه:- هتقدري يروحي انتي شاطره يمريوم ، وصدقيني لو الموضوع تم علي خير هتقدري وتنجحي كمان بوسته من خده:- حبيب اخته يناس دخلت اوضتي وقعدت افكر في الموضوع ، ده هيبقي اول خطوه لتحقيق حلمي …قولت استني لما مروان يوافق تماما وبعدين اقول رأي بعد يومين مروان:- مريوم ياسين الزهران كله بيشكر فيه ،شاب محترم ومتدين وكل اللي شغالين معاه يشهدوا باخلاقه ، يعني تقدري تقرري هتشتغلي معاه ولا لا دلوقتي ؟!
° اممم علي خير يمارو.. نشتغل منشتغلش ليه ‘ ماشي يقلب اخوكي وخليكي عارفه اني معاكي دايما ابتسمتله بحب ، وجود الاخوات نعمه من عند ربنا بجد ، تلاقي حد معاك وفضهرك ، خايف عليك، عايز مصلحتك بدون مقابل …………………………………………… ° السلام عليكم ، استاذ ياسين؟ ‘ وعليكم السلام، اتمني تكوني موافقه؟ ° اه موافقه علي الشغل .. ‘ كويس قوي ، محتاجين بقي نتكلم في تفاصيل كتير ممكن تيجي المحل بكره
° تمام بكره الساعه ٤ كويس؟ ‘ اه كويس قوي ، تشرفي.. #بقلم_مَريمه #حواديت_مَريمه_وياسين صل علي محمد
