وبالفعل روحت المحل واتفقنا علي التفااصيل كلها وبدات شغل او بدات احقق حلمي ………………………………………… ° لا حلو علي فكره!! ‘ لا اللون وحش محدش هيلبس دريس احمر ؟! ° انت مالك هو انت اللي هتلبس ؛الناس براحتها ، وبعدين انت ايش حشرك في شغلي؟! ‘ مريم متعصبنيش مهو شغلي انا كمان ، وبعدين ده لون ملفت قوي اكيد مفيش بنوته هتلبسه!! ° لا بنلبس ، يسيدي هتلبسه في بيتها انتي ايه اللي مدايقك؟
‘ لا والله.. انتي وواخده واحد منه لنفسك صح؟ ° اه ، استايله حلو .. واسع ، مش شفاف ووو انت مالك بقي ، الدريس هيتعرض يعني هيتعرض قال بعند :- لا يمريم هعرض كل الوانه ماعدا ده لسه هرد قاطعتنا هدي :- خلاص اسكتوا ايه اطفال! ، الدريس هيتعرض يايسين كلنا موافقين واهدي بقي بصلنا بغيظ وسابنا ومشي ° اخوكي ده مستفز هو اصلا ايه جابه الصبح المحل ؟مش بيجي اخر النهار.!
ضحكت علي عصبيتي:- عنده اجازه من الشغل يستي قال اجي المحل معاكي الصبح، وبعدين انتوا اللي زي القط والفار يعني بعد شغل ٨شهور مش عارفين تفهموا دماغ بعض؟! قولت وانا بشوح بايدي:- ونفهم ليه اصلا .. سيبك انتي عايزاكي تيجي تعملي بروفه علي فستان كتب كتابك قالت بفرحه:- بجد خلصتيه ؟!! ياربي اخيرا قولت برفعه حاجب :- ايه اخيرا دي ، ايش تقصدي ‘ ولا حاجه يباشا انتي براحتك خالص
° ماشي ياختي همشي انا بقي يلا سلام ٨شهور بشتغل معاهم عرفت ان ياسين وهدي شركاء في المحل وان اهلهم توفوا ،وياسين بيشتغل محاسب اصلا وبيجي المحل اخر اليوم ،وانا اتاجرت محل تحت البيت واشتريت معدات جديده عشان اشغل بنات كمان معايا لان الشغل كتير والحمد لله ربنا بيرزق..والحمد لله كنا بنعرف ننظم شغل المحل وشغل زبايني مانا اكيد مش هوقف شغلهم برضوا،والفرحه ان شغلي عجب بنات كتير ، وبقي في براند مَريمه اخيرا ، يلا هانت عشان نفتح الاستور
…………………………………… ‘ مريوم ، مصرفك يعم اهو بصتله وشديته يقعد جنبي ° مارو حبيبي ممكن تسمعني من غير عصبيه ، انا عارفه انك متحمل مصاريف كتير من يوم وفاه بابا ، حتي المعاش مبترضاش نصرف منه الا قليل جدا حتي شغلي قبل المحل مكنتش بترضوا تخليني اصرف منه ، بس يحبيبي انت برضوا عندك مسؤوليات ولازم تعمل حسابها بصلي بضيق :- مسؤولياتي ده انتو يمريم قولته بحب :- عارفه ينور عيني ، بس خلينا واقعين انت كلها شويه وهتتخرج وبعديها هتيجي خطوبه وجواز وليله كبيره سعادتك ، وانا الحمد لله شغلي بقي كويس قوي فممكن اساعد بالله عليك
‘ وهو انا قصرت ° لا طبعا ، عمرك ماقصرت ، بص يمروان من غير لف ودوران …هههه تصدك حلوه.مروان ودروان ضحك فكملت:- الشقه اللي فوقينا سكانها هيسافروا ويبعوها بمبلغ حلو قوي وكمان ممكن يقللوا السعر شويه لو اللي هيشتريها حد من سكان العماره ، فليه منخدهاش ليك مانت برضوا هتحتاج شقه تتجوز فيها ودي حلوه قوي قالي برفض:- لا طبعا انا مش هفكر في حاجه قبل ما تتجوزي وكمان مش معانا فلوسها اصلا
صل علي مُحمد قولت :- مين قال كده انت ناسي الفلوس اللي سايبهالنا بابا وكمان انت هتقبض الجمعيه اخر الشهر وانا معايا فلوس ، غير كده هما هيقسطوا الفلوس علي ٦ شهور اصلا ‘ انتي عرفتي الكلام ده كلو ازاي ، وبعدين الفلوس دي لجهازك انتي وعائش ° لا الفلوس لينا كلنا ، احنا هندفع نصهم للشقه والنص الباقي نسيهم لعائش ، وباقي فلوس الشقه قسطهم انت بقي قال بتفكير :- لا يمريم مينفعش وانتي ؟
° يحبيبي بقولك معايا فلوووووس وبعدين امك جابت معظم جهازي اصلا دي بتجهز من اولي ابتداىي يبني ، وافق يمروان صدقني مش هنخسر حاجه وربنا هيسهل الامور لقيته ساكت:- مروان انت كده مش بتظلمنا ، مفيهاش حاجه لما اشيل معاك شويه ، انا وانت مسؤولين عن عائشه وماما مش انت بس ، اه انت عليك المسؤوليه الاكبر لاكن لو بتحبي يمارو خليني احس اني بساهم بجزء بسيط ،، موافق صح
هز راسه باه ففرحت ‘ موافق هكلم الناس بقي واشوف الدنيا ° ربنا يفرح قلبك دايما يحبيبي ‘ اللاه صحيح ايه اخبار ياسين؟ استغربت :- مش فاهمه ‘لا اصله كان معايا وقال انك مقضايها عند معاه….في الشغل يعني! ° سيبك منه هو اللي بيدخل في شغلي كتير ، روح نام يمروان امشي دخل ينام فعلا..مروان بيشتغل من صغره وكان رافض نخرج اي فلوس من اللي معانا تحسبا للزمن بس ايجي وقت اننا نخرجها ،يبقي ليه العند بقي ونكابر
………………………………………………………………… ‘ كان واقف معاكي ليه ده؟ اتخضيت والدريس وقع من ايدي ° يبني بقي خـ,ـضتني فيه ايه ؟! ولا اكنه سمع حاجه كرر سؤاله تاني : ‘مرريم!!كان واقف معاكي ليه؟! ° كان بيستبدل لاخته حاجه يسيدي؟! قال بنرفزه:- وهو مفيش غيرك في المحل، انتي اصلا ايه اللي جابك..ااقصدي جايه بدري بصتله بصدمه:- انا اللي كنت واقفه لما دخل وبعدين هو انا باجي بمواعيد ؟؟ مالك كده؟! قال بتوتر :- لا مش قصدي براحتك
سكت شويه وقال :- بس برضوا متقفيش مع حد تاني ضحكت عليه:- طيب ماشي قال بزهق:- انتي بتريحيني وخلاص؟! ° لا ازاي اتخانق معاك!! انا ماشيه ياياسين مشيت من قدامه ، انا بضحك علي غيرته الواضحه ،، ااه عارفه انه بيغير ، عارفه ان جواه مشاعر مبيتكلمش ليه معرفش الصراحه .. طب وانا؟؟ مطمنه في وجوده وافتكر ده شعور كويس قوي ……………………………………………………….. ‘ هو احنا بنتجوز عشان بنحب بس؟! بصيت لعاىشه للي رمت السؤال في وشي … صغيره علي السؤال؟!لا الزمن ده مفيهوش حد صغير علي اي نوع من الاسئله واحنا لازم نجاوب
اخدتها في حضني تحت البطانيه وقولت…. يتبع ….. #بقلم_مَريمه #حواديت_مريمه_وياسين بارت٢ ( مَريمه الياسين) ‘ هو احنا بنتجوز عشان بنحب بس؟!
