هز راسه باه قولت بمرح:- ولذلك تنازلت وصممتلك بدله لايقه مع الدريس بدل ماتحتار ! لمحت لمعه في عيونه:- يالله ، كنت عايز اقولك بس عارف انك هترفضي بس الحمد لله جت من عند ربنا ، تسلمي يمريم بجد شكرا ابتمست وهو كان خارج بس رجع تاني ‘ هو انتي كويسه؟؟ ° اه محتاجه انام بس ‘ ماشي …ياريت متخرجيش بالليل ماشي !! قال كده ومشي ،، هو مالوا ده كمان انا اصلا هنام ومش هصحي غير بكره ،،طلعت الشقه ..لقيت ماما بتشيل كل حاجه
قولت بزهول:- ايه يماما ده ، الشقه نضيفه والله ردت عليا ببساطه:- لا انا بروق تروقيه نص الشتاء !! ° نص الشتاء ، ودي مين عملها دي؟! مروان وهو شايل السجاده:- يبنتي دي موجوده من ايام الفراعنه ، بس عشان انتي تعبانه هنسيبك تنامي، ياسين خد حاجته؟ هزيت راسي باه..بس الفضول هيقتلني هل اسكت لااا،قولت بتوتر ° مارو بما انكم صحاب ، هو اي المناسبه اللي رايحها ياسين؟! رد بنبره غريبه:- يااه يمريم ، رايح يحقق حلمه انهارده!
° هل هفهم انا كده ، ماتقول يمروان يلا رد ببساطه’ امم اصله رايح يخطب البنت اللي بيحبها انهارده ، ده انا رايح معاه كمان!! في حاجه بتنكسر …لا ده قلبي مش حاجه كبيره..حاولت مبينش توتري قدامهم قولت وانا بدخل الاوضه:-تمام ربنا يوفقه ، محدش يصحيني ..حاولت مفكرش في موضوع وانام لاني بجد محتاجهواناام، فضلت طول اليوم كده اقوم اصلي وارجع انام تاني لعند المغرب قومت اخدت شاور وصليت وقولت اقوم البس واخرج اتمشي شويه بس لقيت حد بيخبط علي الباب
° ادخل ‘ انا جيييت باستغراب° هدي ؟! بتعملي ايه هنا اااقصدي يعني غريبه،المفروض متكونيش هنا دلوقتي!! دخلت وفي ايديها حاجات وقربت حضنتي وقالت:- وحشتيني يمريوم ، ولا انا المفروض اكون هنا دلوقتي! مش فاهمه ..مستغربه هدي:- يلا اجهزي بسرعه ،، خدي ده بصيت للي بتقدمهولي ..دي شنطه الدريس ..بس لااا فتحته ولقيته هو الدريس بتاعي !!ومعاه مسلتزماته كلها بصتلها بعدم فهم :- في مشكله في الدريس يعني ؟؟ لو في اعملها حالا عشان متتاخروش
ردت بابتسامه وهي بتمسك ايدي:- مريم ، ده ليكي انتي ، بتاعك انتي ، واحنا مش هنتأخر ولا حاجه ، اجهزي وهتفهمي كل حاجه بدأت اجمع …بس برفض الفكره ..لا !!معقول؟! هدي رحمتني من تفكيري لقيتها بتخرج كل حاجه الدريس ،،خمار،،شوز، وبالفعل جهزت ولقيت مروان بيستأذن يدخل..قرب مني وقال بابتسامه مروان:- يلا، عارف انك مش فاهمه بس صديقني هتفرحي قوي ..اركني عقلك انهارده خالص تمام؟ هزيت راسي باه وانا حاسه براحه ،خرجت معاه للصاله واتسمرت مكاني،ماما وعائش وخالوا وزوجته واولاده واشخاص من عيله ياسين شوفتهم في فرح هدي وووهو بطلته اللي بتسحرني ،،اوتفيت من اختياري عيونه بتلمع ،،مبسوط
قربنا منهم ومروان قعدي جنبه وانا برضوا مش فاهمه لعند لما مروان اتكلم:- مريم، استاذ ياسين طالب ايديك مني من اسبوع!! ، وانا طبعا كنت محتاج اسال عليه لتاني مره كويس قوي رد ياسين بتساؤل:- لتاني مره؟ مروان بمرح:- اومال انت فاكر هسيبها تشتغل معاك من غير تقرير كلهم ضحكوا ،، وانا ريأكشن وشي ثابت ،،،استغراب مروان:- والحقيقه كله يشهد ليه بتدينه واخلاقه ، وغير ده انا صاحبته وشوفت معاملته ازاي ، واتاكدت انه هيحافظ علي أميرتي ..قولتي ايه يست البنات؟؟
هل مطلوب من اجاوب؟؟ يعني كانوا عاملين عليا خطه ،،طب ووجع قلبي الصبح؟ اختفي والله ياخواتي..اجاوب ؟ يلا نجاوب ° احم ..مش عارفه..ااايعني ..اللي يشوفه مروان وماما ضحكوا علي توتري اصل مش دي مريم خالص قال شخص كبير :- يبقي علي بركه الله ، نقرأ الفاتحه كلهم وافقوا علي رأيه ..هو متكلمش ،،عيونه بتلمع بس..قرينا الفاتحه ولقيته بيغمز لمروان مروان:- متقلقش يصاحبي خمس دقايق وجاي !! ياسين:- تسلم يحب قولت بعدم فهم:- في ايه؟ مش فاهمه
ردياسين بابتسامه..يخربيت جمالك:- اصل انا قولت ايه ..هنفضل بقي فضوابط خطوبه ومروان يرخم عليا ..واحنا اصلا عارفين بعض كويس..والحقيقه انا عايز اغير خانه الحاله الاجتماعيه لمتزوج منظري يضحك ،، مبرقه.. رافعه حواجبي،وبهز راسي يمين وشمال ° ف؟؟؟ مروان بمكر:- فيحب المأذون جاي في الطريق .بس لو رافضه خلاص يحبيبي نأجل خمس سنين كده قولت بعفويه وتسرعه:- لا لا مش قصدي ، اتفاجأت بس..ياااختي عليا ضحكوا بصوت عالي والوقت عدي ومفوقتش غير علي الجمله الاقرب لقلبي
” بارك الله لكما وبارك عليكما وجمع بينكما في خير” ايه ده ؟؟ زغرطه ..كلهم باركولي وبيمشوا ليه ليه بيخرجوا متفقناش علي كده!! المكان فضي وباقي انا وهو فقط!! بيقرب مني طب اهرب قال بنبره مهلكه لقلبي وهو بيبوس راسي ‘ مُبارك يا جبر ربنا ليا
مدنيش فرصه ارد ولقيتني في حضنه..فراشه !! احساسي دلوقتي في خفه الفراشه..مع احترامي لاي حد وصف حضن كتاب الكتاب ،،حضن ياسيني غير ،، احساسي وهو حاضني وبيطبطب علي طهري وبيهمس بشكر لربنا ميتقدرش باي حاجه ،، لقيت نفسي ببكي ،،انا مش كومبارس في حكايته !! انا بطله الحكايه كلها ..خرجني من حضنه وباس باطن ايدي وهو بيقول. ‘ حلمت كتير باليوم ده ،ومكنش قصدي ابدا اجرحك الكام يوم اللي فاتو ..كنت حابب اشوف آثر المفاجأه في عيونك .والحمد لله اليوم تم زي ما خططت ، وأخيرا هقول للاميره في الحلال إني بحبها!!
رفعت نظري بدموع ليه فقال بتأكيد:- بحبك،وبوعدك قدام ربنا إني هصونك ،هحافظ علي قلبك ، هحافظ علي رحمه ربنا وجبره ليا المرادي انا اللي حضنته وانا ببكي بفرحه، انك تحب شعور حلو بس الاحلي انه يكون متبادل ويااسلام لو ده في الحلال قال بمرح’ خلاص بقي ، محدش قالي انك عيوطه كده ضريته بخفه فغمز:- طب ايه مفيش كلمه كده ولا كده؟ ° عايز ايه يعني، تسلم يسيدي شكرا ربنا يخليك
قال بصدمه:- مش دي خالص ، ركزي كده وهتطلع لوحدها يلا !! وبعدين هو سهل انك تقوليها وانتي بتكلمي نفسك وصعب قدامي انا،جوزك! برقت لقيته خرج الموبايل وقال:- اصل من شهر كده كان في بنوته بتجيب تصميمها من درج المكتب في المحل وبالصدفه انا كنت اصلا بعمل ريكورد لهدي وسبت الفون شغال وروحت اشوف حاجه وسبحان الله لقيت هدي بتقولي اسمع الريكود بتاعك تاني كده وإذ ايه يمريوم..مالك مبرقه كده ليه ؟!انا بقول نسمع الجزء بتاعك
” فين الورق ده كمان …يوووه انا متعصبه ليه ما يقف معاها ولا يتنيل انا مالي ..،المستنفز..مش عارفه اصلا انا بحبه علي ايه ..انا عايزه ضربي بالجزمه عشان قلبي بيحبك يابن الزهران” حطيت ايدي علي وشي لا …الظروف متعملش فيا كده ..ياااختي ضحك جامد عليا واخدني في حضنه ،مبقاش في مهرب بقي نقول وخلاص ° قولي قلبي بيحبك ليه يابن الزهران؟! قال بحب:- عشان انتي نصيبه من الدنيا ، يغلب ابن الزهران
قولت بمرح:- يارب دايما افضل مغلباك ابتسم وخرج علبه جميله وفتحها ..الله دبل لينا وخاتم شكله جميل مسك ايدي ولبسني الخاتم الاول وكان هيلبسني الدبله قولت:- استني دي مكتوب عليها !! هز راسه بتأيد وركزت لقيت دبلتي مكتوب عليها اسمه ودبلته !! قولت بفرحه وزهول ايه ده ؟!! قال بحب بعد ما لبسني الدبله ورفع دبلته قصاد عيونا:- مَريمةالياسين بكيت للمره الكام معرفش ؟!..مدلي الدبله لبستهاله وحضنته جامد ° انت حبيب مَريمه الياسين يايسيني..
” أتاري الدنيا فيها جميل وحلو عكس ماتقالي♡” #بقلم_مَريمه #حواديت_مَريمه_وياسين …………………………………………… ٢٠/٩/٢٠٢٤….وبعد كتابه وشخطبته 6 ساعات بنقول فركش ياخواتي…اسكريبت في تفاصيل محببه لقلبي اتمني يكون عجبكم …رأيكم عشان بيفرق معايا قوي ..شكرا ليكم ♡
