بصيت لعاىشه للي رمت السؤال في وشي … صغيره علي السؤال؟!لا الزمن ده مفيهوش حد صغير علي اي نوع من الاسئله واحنا لازم نجاوب اخدتها في حضني تحت البطانيه وقولت… ° الحب مهم في الجواز يعائش ، بيخلي العـ,ـلاقه ليها روح ، بيبقي الاستبن اللي بنتجه ليه وقت الخلاف ، بس مش هو كل حاجه لو الجواز قايم علي الحب فقط هيفشل ! ‘ اومال بنبني العـ,ـلاقات علي ايه؟!
° الحب لوحده عمره ماهيكون العامل الوحيد اللي ممكن تُبني عليه عـ,ـلاقة ..سواء بقي صداقة ..خطوبه ..جواز ..وخصوصا الجواز ..مينفعش نتجوز شخص لمجرد اننا بنحبه …الاحترام..الثقه ..الموده ..الحمه..الروح الحلوه..شخص يسمعك ويفهمك في كل حالاتك..شخص متخفيش منه وانتي بتحكي عن مشكله عملتيها ،، متخافيش تظهري عيوبك قدامه..شخص تكوني واثقه انكم حتي لو انفصلتوا فاسرارك وحياتك هتفضل في أمان ..حد حنين متهونيش عليها وحطي تحت متهونيش عليه دي مليون خط أنا شايفه بقي أن الحاجات دي وغيرها كتير أهم مليون مره من الحب
مقولتش انه مش مهم !! لا اكيد حاجه حلوه أنك تكون مع حد بتحبه..بس حب مع عدم احترام ميلزمناش..حب مع عنف ميلزمناش..حب مع قله ثقه وحد يقلل منك برضوا ميلزمناش ..الحب عمروا ما يجيب راحه وأمان واحترام وثقه بس الحاجات دي تجيب حب..وحب جامد كمان خليكي دايما مع حد يفهمك ويثق فيكي ..يدفعك للاحسن دايما ..حد ياخد بايدك لطريق ربنا ، مش مجرد شخص تحت مسمي حب وخلاص!! ‘ انا بحبك قوي يابله مريم
بوستها من خدها:- وانا بمـ,ـوت ف الاميره بتاعتي يلا ننام بقي ………………………………………………………………… صل علي مُحمد بعد مرور شهرين كمان ‘ مريم!، ° استاذ ياسين ؛ ازيك؟ ملامح الاستغراب كانت علي وشه ‘ الحمد لله بخير ؛ بتعملي ايه هنا؟ رفعت كتافي ورديت:- ولا حاجه لسه مخلصه كورس الالماني ومروحه اهو .. رد بدهشه:- الماني!! اول مره اعرف ، بس مش المفروض بنبدا بانجليزي رديت بابتسامه:- لا ده مخلصاه من زماان ، ملحظتش ولا مره اني بستعمل الفاظ انجلش كتير في شغلي ولا ايه؟
قال بتذكر:- اه كتير بس متخيلتش انك تكوني بتتقني اللغه كويس وكمان بتتعلمي لغه جديده ، بس برافو بجد . ° متخيلتش ليه؟! عشان دبلوم مش جامعه؟ رد بتسرع:- لا والله مقصدش خالص ، مش كل اللي في الجامعه يعرفوا يعملوا اللي بتعمليه ، او اتعلموا اللي اتعلمتيه ° فاهمه حضرتك ، بس الناس بتحكم بالمظاهر والشهاده مبيشفوش ان الشخص باخلاقه وانه ممكن يتعلم كتييرر حتي لو مش خريج جامعه
‘ عندك حق ، طب اوصلك؟ هزيت راسي بلا:- مروان شويه وهيوصل شكرا لحضرتك وبالفعل لقينا مروان داخل علينا مروان:- ياهلا بالغالين ، ايه الصدفه دي؟! ياسين :- حبيب اخوك ، وحشتني لقيت مروان بيحضه ، كنت عارفه انهم بقوا صحاب بس مش للدرجادي! مروان:- مريوم ، انا نازل انا وياسين نجيب هدوم تعالي معانا بما انك بتفهمي ف الحاجات دي و نتمشي شويه وهنعدي ناخد عائش في طريقنا ايه رأيك؟!
قولت بتفكير :- اممم اوك يلا روحنا مع بعض ودخلنا محلات كتير ويبنات مش احنا بس اللي بنتردد كتير لااا طلعوا هما كمان بيلفوا كتير وبعد جدال وصلنا لاخر محل ° انتو تعبتوني ، ماتخلصوا اختاروا مروان:- ده حلو ده ولا ده….ده احلي صح عائش :- تعالي معايا كده يمارو ..انا هختارك حاجه ايه تخليك مز المزز ° اه روحي معاه يعائش خلينا نخلص مشيوا مع بعض ..اه ده الاستاذ ده بيبصلي كده ليه
‘ هو مفيش غير لفه الخمار دي ، ماتعملي لفتك المعتاده!! رفعت حاجبي:- افندم !! تجديد بقي وبعدين دي حلوه غمض عيونه وضغط علي شفايفه وقال بهمس وصلني:- اممم ، ليكي روقه يبنت حسن ° بتقول حاجه ؟؟ رد ببرود :- لا يلا انا اخترت دي .
يووووه هنفضل كتير في لعبه القط والفار دي ، هو ساكت ليه ،، طب اختفي شويه يمكن يحس علي دمه؟!.. فضلنا مده كبيره بنكبر شغلنا او شغلي أنا الخاص ، وفتحت مشغل صفير وشغلت معايا بنات كتيركانو زمايلي في المدرسه وبدأت ادربهم واعلمهم التفصيل ،،هما يفصلوا وانا اصمم واقفل معاهم الشغل ونعرضه اونلاين و في محل ياسين واللي الحمد لله بقوا محلين ………………………………………………………. في يوم روحت المحل اشوف ايه الموديلات اللي ناقصه عشان اعملهم
لقيته بيحط ورقه وقلم قدامي قولت باستغراب ° ايه ده ؟! ياسين:- عايز تصميم لدريس، خطوبه ، كتب كتاب حاجه زي كده ، مناسبه يعني! امممم ، اخته واتجوزت ، ده لمين ،، نهدي يمريم هو اصلا ولا يفرق معايا ° لمين؟! مانا اكيد عايزة المقاسات رد بابتسامه:- لواحده غاليه علي قلبي ، عايزه هديه وملقتش افضل من دريس من تصميمك يبقي هديه للمناسبه احنا قولنا ايه ولا يفرق معانا…لا يفرق انا بطلع شرار
رسمت الجمود علي وشي :- طب يااستاذ ياسين هحتاج المقاسات ، وكمان محتاج تصميم معين ولا اعمله علي مزاجي؟ قال بتفكير :- بصي ، هي شبر ونص زيك كده قولت بعصبيه:- نعم يخويا ‘ مش قصدي حاجه ، من الاخر اعمليه زي ماهتعملي ليكي، وبخصوص المواصفات،،اممم معنديش حاجه معينه شوفي لو انتي عندك يوم مهم في حياتك هتصممي دريس ليه ازاي ، بس ياريت اللون يكون قريب من الابيض حاجه زي كده مثلا
بيتكلم بفرحه…يفرحه امك بيك ..اعمله زي مااعمل لنفسي عشان يقدمه لحبيبه القلب …طب يمريم هتعملي ايه ..ركزي ده شغل يبقي نشتغل واحنا راكنين قلبنا علي جنب ° تمام ، عايزه امتي؟ ‘ يوم الخميس الصبح رديت بلا وعي:- اوك ت…..لا استني ده بعد بكره!! مش هلحق رد بابتسامه وهو بيقوم:- لو انتي عايزه تلحقي هتلحقي، اعتبريه رجاء مني عايزه ضروري وسابني ومشي … الجمود اللي كنت راسماه إنهار…مكتوبلك تبقي جزء من قصته يمريم بس مش بطله حدوته لااا كومبارس ..اتنهدت جامد ..لو نصيبك ربنا هيرده ليكي
بقلم مَريمه فضلت اصمم كتير واقطع الورق كتير علي الحال ده ،، وفي الاخر تخيلت ان الدريس ده ليا ،، لخطوبتي معاه ..وبدات اصممه علي اساس كده ..وخرجت افضل دريس عملته في حياتي ،،، ومش بس كده لاول مره اصمم رجالي عملته بدله ليه لايقه جدا مع الدريس ..اعتبرتها هديه مهو اكيد المناسبه دي هتكون ليها وليه ..ياسين يستاهل الخير وانا بجد هتمناله الخير من كل قلبي حتي لو مكنش معايا
يوم الخميس الصبح قولته تعالي خده وبالفعل جه المحل تحت بيتي ° اتفضل ياسيدي الدريس اهو تحب افتحه تشوفه ولا ايه؟ رد بابتسامه:- لا سيبه انا واثق فيكي، بس ايه ده؟ قال وهو بيشاور علي الكيس التاني ° بص.. اكيد المناسبه دي هتحضرها انت وهي صح؟
